Skip to content. | Skip to navigation

Personal tools
Aqbeż għall-kontenut. Fittex FAQ Għajnuna Dwarna

L-Aġenzija Ewropea għas-Sigurtà u s-Saħħa fuq il-post tax-Xogħol

Netwerk ta’ l-OSHA
You are here: Home → Temi → Disturbi Muskulo-skeletali

Aħbarijiet riċenti

Uġigħ fid-dahar

Il-problemi muskuloskeletali (MSDs) jistgħu jaffettwaw il-muskoli tal-ġisem, il-ġogi, l-għeruq, il-ligamenti, l-għadam u n-nervituri.

Ħafna mill-MSDs li huma marbuta max-xogħol jiżviluppaw maż-żmien u huma kkawżati jew mix-xogħol innifsu jew mill-ambjent tax-xogħol ta' l-impjegati. Jistgħu jirriżultaw ukoll minn aċċidenti, eż ksur u żlugaturi. B'mod tipiku, l-MSDs jaffettwaw id-dahar, l-għonq, l-ispallejn u d-dirgħajn; ir-riglejn jiġu affettwati inqas spiss.

Il-problemi tas-saħħa jvarjaw minn skumdità jew uġigħ żgħir, għal kundizzjonijiet mediċi iżjed serji, li jkunu jeħtieġu kemm ħin il-bogħod mix-xogħol, kif ukoll trattament mediku. F'każijiet iżjed kroniċi, it-trattament u l-fejqan spiss ma jkunux sodisfaċenti - ir-riżultat jista' jkun diżabilità permanenti u t-telf ta' l-impjieg.

Ħafna problemi jistgħu jiġu evitati jew imnaqqsa b'mod konsiderevoli,jekk jikkonformaw mal-liġi eżistenti dwar is-saħħa u s-sigurtà u jekk tiġi segwita l-gwida dwar il-prattika tajba. Dan jinkludi li ssir evalwazzjoni tax-xogħol, li jidħlu fis-seħħ miżuri preventivi u li jiġi vverifikat li dawn il-miżuri jibqgħu effettivi.

L-MSDs huma problema kbira.


Dawn jikkawżaw tbatija personali u telf ta' dħul finanzjarju għall-impjegati; inaqqsu l-effiċenza tan-negozju għal min iħaddem u jżidu l-ispejjeż tas-sigurtà soċjali għall-gvern.

L-MSDs huma prijorità għall-UE fl-istrateġija tal-Komunità tagħha dwar is-saħħa u s-sigurtà fuq ix-xogħol. Huma wkoll prijorità rikonoxxuta mill-Istati Membri ta' l-UE u mill-imsieħba Soċjali Ewopej.

Aqra l-Fatti Ewlenin

Pubblikazzjonijiet ta’ l-Aġenzija



Napo f' … manuvrui siguri (18.07.2011)

Napo f' … manuvrui siguri

Il-karattru ferm popolari tal-kartuns Napo juri li t-trasport fuq ix-xogħol jrid ikun organizzat tajjeb sabiex jitnaqqsu r-riskji u l-perikli. Dan jeħtieġ ippjanar u monitoraġġ mill-maniġers, kif ukoll valutazzjoni tar-riskju u azzjoni xierqa mill-impjegati li jkunu mħarrġa. Fost l-oħrajn il-film jitratta xeni bħall-post tax-xogħol, in-nies u s-sigurtà tal-vetturi, il-manutenzjoni, il-viżibilità, ir-riversjar u t-tagħbija.

Ara l-film

Folja ta' informazzjoni - Il-prevenzjoni tal-inċidenti tal-vetturi ta' trsport fuq il-post tax-xogħol (f'diversi lingwi)

E-fatti - Il-prevenzjoni tal-inċidenti tal-vetturi tal-kostruzzjoni (bl-Ingliż biss)

Is-Saħħa u Sigurtà fuq il-Post tax-Xogħol tax-Xufiera fit-Toroq (24 lingwa)

Studji ta' każijiet ġodda għall-prevenzjoni ta' MSDs relatati max-xogħol fl-agrikoltura. (17.02.2011)

Studji ta' każijiet ġodda għall-prevenzjoni ta' MSDs relatati max-xogħol fl-agrikoltura.

L-agrikoltura huwa s-settur fejn id-disturbi muskuloskeletali (MSDs) u l-esponiment għal riskji ta' MSD huma l-aktar komuni. Il-maġġoranza tal-ħaddiema fl-agrikoltura jirrapportaw li qegħdin jiġu esposti għal movimenti ripetittivi tal-idejn u tar-riġlejn, qagħdiet tal-ġisem li jikkawżaw għejja jew uġigħ, ġarr jew tressiq ta' tagħbijiet tqal. Ir-rati ta' uġigħ fid-dahar u ta' uġigħ fil-muskoli f'dan is-settur huma darbtejn ogħla mill-medja.

L-istudji tal-każijiet ta' prattika tajba miġbura taħt dan il-proġett jipprovdu informazzjoni prattika dwar kif jiġu pprevenuti MSDs fl-agrikoltura, b'hekk jikkontribwixxu wkoll għall-implimentazzjoni tal-'Ftehim Ewropew dwar it-tnaqqis tal-espożizzjoni tal-ħaddiema għar-riskju ta' MSDs relatati max-xogħol fl-agrikoltura’.
Ara l-istudji tal-każijiet
Ħarsa ġenerali lejn il-prevenzjoni tal-MSDs
Ħarsa ġenerali lejn is-settur tal-agrikoltura

Ir-ritorn lura lejn ix-xogħol ta’ l-impjegati li jbatu minn uġigħ f’daharhom (16.10.2007)

Il-Ġimgħa Ewropea għas-Saħħa u s-Sigurtà fuq il-Post tax-Xogħol, li ser issir mit-22 sas-26 ta’ Ottubru 2007, tindirizza l-problemi muskuloskeletali (MSDs) fuq il-post tax-xogħol. Pubblikazzjoni ġdida – ‘Problemi muskuloskeletali relatati max-xogħol: Ir-rapport dwar ir-ritorn lura lejn ix-xogħol’ – illanċjata biex tikkoinċidi ma’ l-avveniment, tiffoka fuq iż-żamma, l-integrazzjoni mill-ġdid u r-rijabilitazzjoni tal-ħaddiema li jbatu mill-MSDs.

Ħaffef il-piż - nindirizzaw id-disturbi muskuloskeletali (04.06.2007)

Id-disturbi muskuloskeletali (MSDs) huma l-problema tas-saħħa relatata max-xogħol l-aktar komuni fl-Ewropa, billi jaffettwaw miljuni ta' ħaddiema. Min-naħa għall-oħra ta' l-UE27, 25% tal-ħaddiema jilmentaw minn uġigħ f'daharhom u 23% jirrappurtaw uġigħ muskolari.

Il-Prattika tajba ‘Ħaffef il-Piż’ (23.04.2007)

L-Aġenzija Ewropea għas-Saħħa u s-Sigurtà fuq il-Post tax-Xogħol tistieden nominazzjonijiet għat-tmien edizzjoni tal-Premjijiet għall-Prattika Tajba tas-saħħa u s-sigurtà fuq il-post tax-xogħol.