Skip to content. | Skip to navigation

Personal tools
Aqbeż għall-kontenut. Fittex FAQ Għajnuna Dwarna

L-Aġenzija Ewropea għas-Sigurtà u s-Saħħa fuq il-post tax-Xogħol

Netwerk ta’ l-OSHA
You are here: Home → Temi → Il-Prevenzjoni tal-Inċidenti → It-tnaqqis ta' l-inċidenti fuq il-post tax-xogħol: pariri għall-impjegati

It-tnaqqis ta' l-inċidenti fuq il-post tax-xogħol: pariri għall-impjegati

It-tnaqqis ta' l-inċidenti fuq il-post tax-xogħol: pariri għall-impjegati

2. Leġiżlazzjoni Ewropea


Il-ħaddiema għandhom ċerti obbligi skond l-Artikolu 13 tad-Direttiva 89/391, li tipprovdi l-qafas ġenerali għall-ġestjoni tas-saħħa u s-sigurtà, l-identifikazzjoni u l-prevenzjoni tar-riskji.

Id-direttiva tistabbilixxi li hija r-responsabbiltà ta' kull impjegat li jieħu ħsieb, sa fejn ikun possibbli, is-sigurtà u s-saħħa tal-kollegi tiegħu u tiegħu stess b'konformità ma' l-istruzzjonijiet u t-taħriġ mogħtija minn dawk li jħaddmuh.


B'mod partikolari, il-ħaddiema:

  • għandhom jużaw korrettament il-makkinarju, l-apparat, l-għodda, is-sustanzi perikolużi u t-tagħmir użat fit-trasport;
  • għandhom jużaw korrettament it-tagħmir ta' protezzjoni personali għad-dispożizzjoni tagħhom;
  • ma għandhomx jiddisattivaw, ibiddlu jew iċaqalqu arbitrarjament it-tagħmir ta' sigurtà installati, partikolarment, mal-makkinarju, l-apparat, l-għodda, l-impjanti u l-istabbilimenti, u jużaw dan it-tagħmir ta' sigurtà b'mod korrett;
  • jgħarrfu immedjatament lil min iħaddimhom u/jew lill-ħaddiema b'responsabbiltajiet speċifiċi fil-qasam tal-protezzjoni tas-saħħa u tas-sigurtà tal-ħaddiema bi kwalunkwe sitwazzjoni ta' xogħol li huma jqisu raġonevolment li tirrappreżenta periklu gravi u immedjat għas-saħħa u s-sigurtà, kif ukoll kwalunkwe difett fis-sistemi ta' protezzjoni.

Jeżistu wkoll direttivi individwali oħrajn dwar il-prevenzjoni ta' l-inċidenti.