Is-saħħa u s-sigurtà fuq il-post tax-xogħol f'ċifri

Ir-rapporti mressqa mill-Osservatorju Ewropej tar-Riskji tal-Aġenzija, janalizzaw dejta minn sorsi fuq il-livell nazzjonali u tal-UE u jiddeskrivu l-implikazzjonijiet ta' dawn iċ-ċifri għas-saħħa u s-sigurtà fuq il-post tax-xogħol (ara, pereżempju, ir-“rapporti dwar l-OHS” f'ċifri).

L-Aġenzija żżomm kooperazzjoni mill-qrib mal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol u l-  Eurostat, l-uffiċċju tal-istatistika tal-UE’, sabiex tieħu stampa ċara tas-saħħa u s-sigurtà fuq il-post tax-xogħol fl-Ewropa. 

Pubblikazzjonijiet statistiċi dwar is-saħħa u s-sigurtà

Ir-rapporti tal-EU-OSHA jipprovdu informazzjoni dwar gruppi ta' ħaddiema speċifiċi, espożizzjonijiet, riżultati fil-qasam tas-saħħa, u setturi industrijali, ibbażati fuq il-ġbir, l-analiżi u l-konsolidazzjoni ta' dejta solida eżistenti minn sorsi ta' dejta nazzjonali u internazzjonali.

Aċċessa l-aħħar pubblikazzjonijiet statistiċi tagħna

• Sommarju - Riskji u xejriet ġodda fis-saħħa u s-sigurtà tan-nisa fuq il-post tax-xogħol (2011)
• Molestji u Vjolenza fuq il-Post tax-Xogħol: Stampa Ewropea (2011)
• Reviżjoni dwar il-metodi li jintużaw madwar l-Ewropa biex jiġu stmati l-aċċidenti u l-mard relatat mal-post tax-xogħol fost min jaħdem għal rasu (2010)

Iktar

ESENER - Stħarriġ Ewropew tal-impriżi dwar ir-riskji l-ġodda u dawk emerġenti

L-istħarriġ Ewropew tal-impriżi dwar ir-riskji l-ġodda u dawk emerġenti (ESENER) jesplora l-opinjonijiet tal-maniġers u tar-rappreżentanti tal-ħaddiema dwar kif inhuma ġestiti r-riskji relatati mas-saħħa u s-sigurtà fil-post tax-xogħol tagħhom.

Mill-firxa ta' riskji relatati mal-post tax-xogħol, l-istħarriġ jagħti attenzjoni importanti lill-–qasam relattivament ġdid u li qiegħed jikber tar-riskji psikosoċjali. Dawn ir-riskji, li huma marbuta mal-mod li bih jiġi mfassal, organizzat u ġestit ix-xogħol, kif ukoll mal-kuntest ekonomiku u soċjali tax-xogħol, jirriżultaw f'livell ogħla ta' stress u jistgħu jwasslu għal deterjorament serju fis-saħħa mentali u fiżika.

Stħarriġ ta' opinjoni Pan-Ewropew dwar is-saħħa u s-sigurtà fuq il-post tax-xogħol - 2012

Tfassil tal-istħarriġ ta' opinjoni

Ħarsa ġenerali lejn il-kwestjonarju

1. Taħseb li n-numru ta' persuni li jsofru minn stress relatat mal-impjieg fil-[pajjiż] sejjer jiżdied, jonqos jew jibqa' kważi l-istess fil-ħames snin li ġejjin?
2. Fir-rigward tar-riskji relatati mas-saħħa u s-sigurtà fil-post tax-xogħol, tqis ruħek….? (Infurmat/a sew ħafna | Infurmat/a pjuttost sew | Ma tantx jien infurmat/a sew | Ma jien infurmat/a xejn)
3. Ħafna mill-gvernijiet Ewropej qegħdin jikkunsidraw jew iddeċidew li jgħollu l-età ta' rtirar tagħhom minħabba li n-nies qegħdin jgħixu iżjed. Fl-opinjoni tiegħek, kemm huma importanti, jekk xejn, il-prattiċi tas-saħħa u tas-sigurtà tajba biex jgħinu l-persuni jgħixu iżjed qabel ma dawn jirtiraw? (Importanti ħafna | Pjuttost importanti | Mhux importanti ħafna | Ma huma importanti xejn)
4. Jekk qajjimt problema relatata mas-saħħa u s-sigurtà fil-post tax-xogħol tiegħek mas-superviżur tiegħek, kemm inti fiduċjuż/a li din sejra tiġi indirizzata? (Fiduċjuż/a ħafna | Pjuttost fiduċjuż/a| Ma tantx jien fiduċjuż/a| M'jien fiduċjuż/a xejn)
5. Kemm taqbel jew ma taqbilx ma' din id-dikjarazzjoni li ġejja.
   Sabiex il-[pajjiż] ikun kompetittiv ekonomikament, il-postijiet tax-xogħol għandhom isegwu prattiċi tas-saħħa u tas-sigurtà tajbin? (Naqbel ħafna | Għandi tendenza li naqbel | La naqbel u lanqas ma naqbilx | Għandi tendenza li ma naqbilx | Ma naqbel xejn)

Niżżel ir-riżultati kollha

  Ewropa

Albanija	Awstrija	Belġju NL   Belġju FR
Bulgarija	Kroazja	Ċipru
Repubblika Ċeka	Danimarka	Estonja
Finlandja	Franza	FYROM
Ġermanja	Greċja	Ungerija
Islanda	Irlanda	Italja
Latvja	Liechtenstein	Litwanja
Lussemburgu	Malta	Montenegro
Il-Pajjiżi l-Baxxi	Norveġja	Polonja
Portugall	Rumanija	Serbja
Slovakkja	Slovenja	Spanja
Svezja	Turkija	Ir-Renju Unit

Stħarriġ ta' opinjoni Pan-Ewropea dwar is-saħħa u s-sigurtà fuq il-post tax-xogħol - 2009

L-Ewropej x'jaħsbu dwar il-kondizzjonijiet tax-xogħol tagħhom?

L-istħarriġ ipprovda dejta affidabbli u attwali dwar il-’perċezzjoni tan-nies dwar l-ambjent tax-xogħol tagħhom, bħall-

• Fatturi li għandhom jiġu kkunsidrati meta tkun qed tfittex impjieg ġdid
• Ix-xogħol bħala kawża ta' saħħa batuta
• L-iżvilupp tas-saħħa u s-sigurtà fuq il-post tax-xogħol
• L-impatt tal-kriżi ekonomika fuq il-kondizzjonijiet tax-xogħol
• Il-livelli ta' informazzjoni dwar ir-riskji relatati mas-saħħa u s-sigurtà fuq il-post tax-xogħol

Niżżel ir-riżultati

Awstrija	Belġju NL   Belġju FR	Bulgarija
Ċipru	Repubblika Ċeka	Danimarka
Estonja	Finlandja	Franza
Ġermanja	Greċja	Ungerija
Irlanda	Italja	Latvja
Litwanja	Lussemburgu	Malta
Il-Pajjiżi l-Baxxi	Polonja	Portugall
Rumanija	Slovakkja	Slovenja
Spanja	Svezja	Ir-Renju Unit

Sorsi ta' informazzjoni oħrajn dwar l-istatistika tal-OSH 

Sorsi Ewropej

• websajt tal-EUROSTAT u l-modulu ad hoc tal-Istħarriġ tal-Forza tax-Xogħol tal-EUROSTAT għall-2007 dwar l-aċċidenti fuq il-post tax-xogħol u l-problemi tas-saħħa relatati mal-post tax-xogħol
• Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (EUROFUND): Stħarriġ Ewropew dwar il-Kondizzjonijiet tax-Xogħol u stħarriġ ieħor
• DĠ għall-Impjiegi, l-Affarijiet Soċjali u l-Opportunitajiet Indaqs titjib fil-kondizzjonijiet tax-xogħol
• MEADOW - proġett Ewropew (magħluq fl-2010) maħsub biex jistabbilixxi Linji Gwida għall-ġbir u għall-interpretazzjoni tad-dejta armonizzata fil-livell Ewropew dwar il-bidla organizzattiva u l-impatti ekonomiċi u soċjali tiegħu.
  

Sorsi internazzjonali

• Organizzazzjoni Internazzjonali tax-Xogħol ILO
• Hämäläinen P, Saarela KL, Takala J: Xejra globali skont in-numru stmat ta' aċċidenti fuq il-post tax-xogħol u mard fatali relatat mal-post tax-xogħol fil-livell reġjonali u ta' pajjiż