Iż-Żgħażagħ - Introduzzjoni

Iż-żgħazagħ huma speċjalment vulnerabbli fuq il-post tax-xogħol. Madwar l-Ewropa, il-persuni ta’ bejn it-18 u l-24 sena għandhom talanqas 50% probabbiltà ogħla li jweġġgħu fuq il-post tax-xogħol minn persuni ta' età akbar. iż-żgħazagħ għandhom ukoll probabbiltà ogħla li jsofru minn mard relatat max-xogħol

Taħt l-istatistika nsibu l-istejjer individwali. Żgħazagħ li jkollhom jgħixu bil-konsegwenzi ta' inċidenti u mard. Żgħazagħ li tilfu ħajjithom meta kellhom ħajja sħiħa quddiemhom.

Hemm ħafna raġunijiet għalfejn il-ħaddiema żgħazagħ jinsabu f'riskju. Iżda dawn kollha huma affarijiet li
nistgħu nieħdu azzjoni dwarhom. L-impjegaturi, l-edukaturi, il-professjonisti fil-qasam tas-saħħa u s-sigurtà, dawk li jfasslu l-politika, u l-ħaddiema żgħazagħ infushom - ilkoll għandna responsabbiltà biex ngħinu liż-żgħazagħ iżommu 'l bogħod mill-periklu u jibqgħu b'saħħithom.

Pubblikazzjonijiet ta’ l-Aġenzija

Għalfejn huma vulnerabbli ż-żgħazagħ?

Billi jkunu ġodda għax-xogħol u l-post tax-xogħol, iż-żgħazagħ ikollhom nuqqas ta' esperjenza, u jistgħu ma jagħtux attenzjoni biżżejjed lir-riskji li jiffaċċjaw:

• jista' jkollhom nuqqas ta' maturità fiżika u psikoloġika
• jista' jkollhom nuqqas ta' ħila u taħriġ
  
• jistgħu ma jkunux konxji mid-dmirijiet ta' min iħaddimhom, u dwar id-drittijiet u r-responsabbiltajiet tagħhom
• jista' jkollhom nuqqas ta' kunfidenza biex jitkellmu jekk tinqala' problema.

Min-naħa tagħhom, jista' jagħti l-każ li l-impjegaturi ma jqisux il-vulnerabbiltà taż-żgħazagħ, u ma jagħtuhomx it-taħriġ, superviżjoni u protezzjoni li jeħtieġu, jew jagħtuhom xogħol li ma jkunx adattat għalihom.

Ir-riskji li jiffaċċjaw  iż-żgħażagħ 

• żliq u gambetti
• tagħmir perikoluż
• irfigħ ta' tagħbijiet
• xogħol ripetittiv u veloċi
• xogħol f'pożizzjonijiet skomdi
• ħsejjes u vibrazzjonijiet
• espożizzjoni għal kimiċi, radjazzjoni, sħana jew bard estremi
• stress
• vjolenza minn membri tal-pubbliku.