Anzjanità attiva
Minħabba li n-numru ta' ħaddiema żgħażagħ li jidħlu fid-dinja tax-xogħol se jonqos fis-snin li ġejjin, se jkun hemm żieda sostanzjali fil-proporzjon ta' persuni anzjani fis-suq tax-xogħol. Dawk li jħaddmu se jkollhom iserrħu fuq ħaddiema anzjani, u dan jista' jkun ta' vantaġġ għalihom. Xi studji wrew li ħaddiema ikbar fl-età huma aktar dedikati fuq ix-xogħol, jimirdu inqas u jibqgħu aktar fit-tul fl-impjieg li jkollhom. Il-ħiliet, l-esperjenza u l-maturità ta' ħaddiema ikbar ġeneralment jisbqu problemi potenzjali bħal mard relatat mal-età.
Promozzjoni ta 'xjuħija attiva fuq ix-xogħol
L-Unjoni Ewropea ddikkjarat l-2012 bħala s-as the Sena Ewropea għall-Anzjanità Attiva u s-Solidarjetà bejn il-Ġenerazzjonijiet. L-anzjanità attiva u s-solidarjetà interġenerazzjonali huma aspetti ewlenin fl-Istrateġija 2020 tal-UE, bil-għan li jkun hawn tkabbir għaqli, sostenibbli u inklussiv. Il-promozzjoni tal-anzjanità attiva fl-impjiegi tfisser, fost l-oħrajn, l-assigurar ta’ postijiet tax-xogħol siguri u ħielsa mill-periklu għall-kulħadd, kif ukoll l-addattament tal-kondizzjoniijet tax-xogħol għas-saħħa u l-kapaċitajiet ta’ ħaddiema aktar avvanzati fl-età.
L-UE-OSHA talbet lill-Prof. Juhani Ilmarinen, espert magħruf f’dan il-qasam, biex jikteb artiklu dwar il-fehmiet tiegħu fuq il-promozzjoni tal-anzjanità attiva fuq il-post tax-xogħol. Dan l-artiklu huwa l-ewwel kontribut tal-Aġenzija għas-Sena Ewropea 2012 – matul din is-sena, se nkomplu nitkellmu dwar kemm il-ħarsien tas-saħħa u s-sigurtà fuq il-post tax-xogħol jistgħu jwasslu għal ħajja professjonali itwal u aktar b’saħħitha.
Promozzjoni tat-tixjiħ attiv fuq il-post taxxogħol
