Soluzzjonijiet Prattiċi

L-Aġenzija Ewropea għas-Saħħa u s-Sigurtà fuq il-Post tax-Xogħol timmonitorja, tiġbor u tanalizza sejbiet xjentifiċi, informazzjoni statistika u miżuri ta' prevenzjoni. Tappoġġja wkoll l-iskambju u l-qsim ta' informazzjoni. Jekk inti involut/a fis-saħħa u s-sigurtà ta' post tax-xogħol, tista' tuża din it-taqsima biex issib informazzjoni prattika, linji gwida u studji tal-każijiet biex jgħinuk issolvi għadd ta' problemi.

Prattika tajba li tkun ġiet implimentata b'suċċess f'post tax-xogħol wieħed tista' tiġi addattata u wżata post ieħor. Madankollu, qabel informazzjoni ta' prattika tajba tiġi applikata, għandha ssir valutazzjoni tal-perikli u tar-riskji preżenti fil-post tax-xogħol, filwaqt li ssir referenza għal-leġiżlazzjoni nazzjonali relevanti.

Filwaqt li EU-OSHA mhijiex responsabbli għall-kontenut ta' siti tal-internet esterni li tillinkja magħhom, aħna nimmiraw li nillinkjaw biss ma' informazzjoni prattika tajba li tkun affidabbli u li tissodisfa kriterji għall-prevenzjoni identifikati. Dawn jinkludu li ġejjin: il-'ġerarkija ta' prevenzjoni' stabbilita fil-leġiżlazzjoni tal-UE, li tinkludi l-bidu bil-prevenzjoni fis-sors u l-prijoritazzjoni tal-miżuri kollettivi fuq dawk individwali u; l-iżgurar tal-parteċipazzjoni tal-ħaddiema.

Aktar informazzjoni dettaljata dwar il-ġbir, l-evalwazzjoni u t-tixrid ta' prattika tajba tista' tinstab fl- Informazzjoni dwar Prattika Tajba tagħna pprovduta mill-EU-OSHA.

Links Utli

Valutazzjoni tar-Riskji

Studji tal-Każijiet

Fornituri

FAQ