Hvers vegna viðhaldsvinna er mikilvæg
Án viðeigandi viðhaldsvinnu getur margt farið afskaplega illa á vinnustað
Regluleg viðhaldsvinna er nauðsynleg til að halda búnaði, vélum og vinnuumhverfinu öruggu og traustu. Það hjálpar til við að koma í veg fyrir slysahættur á vinnustað. Skortur á viðhaldsvinnu eða ófullnægjandi viðhaldsvinna getur leitt til hættulegra aðstæðna, slysa og heilsuvandamála.
Viðhaldsvinna er áhættusöm iðja. Hún þarf að vera framkvæmd með öruggum hætti!
Viðhaldsvinna öryggisins vegna
Fullnægjandi viðhaldsvinna er nauðsynleg til að koma í veg fyrir hættur og til að hafa stjórn á áhættum á vinnustaðnum. Skortur á viðhaldsvinnu eða ófullnægjandi viðhaldsvinnu getur valdið alvarlegum og lífshættulegum slysum.
- Mörg slys, á borð við það að renna, hrasa og detta, gerast vegna vöntunar á viðhaldsvinnu eða vegna lélegrar viðhaldsvinnu.
- Ófullnægjandi viðhaldsvinna og skortur á reglulegri þjónustu í tengslum við byggingarbúnað og tæki getur leitt til bilunar í þeim og valdið slysum á stjórnendum þeirra og öðrum starfsmönnum (t.d. gölluð færibönd, kranar, lyftarar, skemmdir stigar, o.s.frv.)
- Litlar viðhaldskröfur eru helstu undirliggjandi ástæður slysa í veitingageiranum. Flest slys sem verða vegna lélegrar viðhaldsvinnu tengjast búnaði (t.d. gallar í tenglum eða köplum, illa viðhaldin gastæki) eða eiga sér stað vegna leka eða að hellst hefur niður.
- Nauðsynlegur öryggisbúnaður getur brugðist vegna ófullnægjandi viðhaldsvinnu og valdið alvarlegum slysum
Nánari upplýsingar um þann þátt sem tileinkaður er viðhaldsvinnu er að finna á heimasíðu EU-OSHA